ट्रकले च्याप्दाँ एक प्रहरी जवानको मृत्यु

९ फागुन, बाँके । ट्रक पल्टिएर च्यापिंदा बाँकेको कोहलपुर चौराहमा एक प्रहरी जवानको मृत्यु भएको छ ।

ड्युटीमा खटिएका ३६ वर्षीया प्रहरी जवान कविता बीसीको मृत्यु भएको प्रहरीले जनाएको छ । शम्सेरगञ्जबाट कौशिलानगर बाँके तर्फ जाँदै गरेको ना ३ ख ६४३६ नम्बरको ट्रक आइतबार गएराति १० बजतिर पल्टिदाँ प्रहरी चौकी खडैचा दरबन्दी भई हाल इलाका प्रहरी कार्यालय बाँकेमा कार्यरत रहेकी बीसीको ज्यान गएको प्रहरीले जनाएको छ ।

दुर्घटनामा परेकी उनलाई उपचारका लागि कोहलपुरस्थित नेपालगञ्ज मेडिकल कलेजमा ल्याएपनि उपचारकै क्रममा हिजो राति नै मृत्यु भएको इलाका प्रहरी कार्यालय बाँकले जनाएको छ ।

दुर्घटना पश्चात् फरार भएको ट्रक चालकको खोजी भइरहेको प्रहरीले जनाएको छ ।