जितेन्द्र कुमार यादव // पौष ३० गते, रौतहट
विभिन्न ११ सूत्रीय माग राख्दै सीके राउत नेतृत्वको जनमत पार्टीले शुक्रवार रौतहट जिल्लाको सदरमुकाम गौरमा प्रदर्शन गरेको छ ।
प्रदर्शन कारीले किसान माथिको दमन बन्द गर, किसान र आन्दोलन कारी माथि लगाइएका झूटा मुद्दा फिर्ता गर, समयमा मलखाद र बीउबिजनको व्यवस्था गर, सिँचाइको व्यवस्था गर भन्दै सरकार विरूद्ध नाराबाजी गरेका छन् ।
पार्टीका कार्यकर्ता लाल बाबू राय यादवले सरकारले किसानको माग नसुनेको बताए । किसानका साना भन्दा साना मागहरू पनि सरकारले सम्बोधन गर्न नचाहेको उनले बताए ।
आफ्नै देशमा खेती गर्नका लागि पनि सरकारसँग मलबीउ माग्दै आन्दोलन गर्नुपर्ने बाध्यता रहेको उनले बताए । सरकार ठूला–ठूला भष्टाचारमा संलग्न रहेको बताउँदै आपसमा मिलेर सरकार चलाउने तर किसानलाई हेर्ने दृष्टिकोण सबै पार्टीहरूको गलत रहेको बताए ।
प्रदर्शन कारीले स्थानीय तहमा भएका चरम भ्रष्टाचारको छानबिन गरी दोषीलाई जेल चलान गर्नुपर्ने, किसानका लागि कृषि बीमा लागू गर्नुपर्ने लगायतका ११ सूत्रीय माग राखेका छन् ।
More Stories
बौधिमाइ नगरपालिका अन्तरगत सरमुजवा स्थित बाबा बिश्वबन्धुनाथ मन्दिरको प्राङ्गणमा महाशिवरात्रीको शुभ अवसरमा दुई दिने कुस्ती (दङ्गल सुरु।
स्तरवृद्विकाे बाटाे खुलाईदिन मन्त्री तिवारीलाई स्वास्थ्यकर्मीकाे ध्यानाकर्षणपत्र
एच.पि.भि खोप सम्बन्धि स्वास्थ्यकर्मीलाई अभिमुखीकरण।